အဲ ဒီ စမ်းချောင်းလေးမှာ ပျားရည်တွေ စီးဆင်းနေမယ် ချယ်ရီပင်အောက်မှာထိုင်လို့ ချစ်သူက ကိုယ့်ရဲ့ပုခုံးကို မှီပြီး စမ်းချောင်းလေးရဲ့ ဂီတသံကို ခံစားကြမယ် နံနက်ခင်းရဲ့ နေရောင်ခြည်က ကိုယ်တို့အနားပတ်ဝန်းကျင်မှာ တဝက်တပျက်နဲ့ လင်းလက်ဖြာကျနေမယ် လွင့်ကျနေတဲ့ ချယ်ရီပန်းခက်တွေက ညင်သာစွာတိုက်ခတ်နေတဲ့လေညှင်းနဲ့အတူ ပျံဝဲနေမယ် တေးသီတဲ့ငှက်တွေက ချစ်သူရဲ့သီချင်းကို သာယာနာပျော်ဖွယ် သီကျူးနေမယ် ကိုယ်သောက်နေတဲ့ ဝိုင်က ချစ်သူ့အနမ်းတွေဖြစ်သွားမယ် စံပယ်ဖြူတွေက ရနံ့သဲ့သဲ့ သင်းပျံ့နေမယ် နှောက်ယှက်တဲ့ ကြမ္မာနတ်ဆိုးတွေက ကိုယ်တို့နဲ့အဝေးကို ထွက်ပြေးပုန်းရှောင်နေမယ် အေးမြတဲ့အပြုံးနဲ့ချစ်သူက ကိုယ့်ကိုပွေ့ဖက်ပြီး 'အချစ်ရယ်'လို့ တီးတိုးစကားဆိုလိမ့်မယ် ညမှာ ကြယ်တွေက စမ်းချောင်းလေးရဲ့အပေါ်မှာ တဖိတ်ဖိတ်လင်းလက်နေလိမ့်မယ် လမင်းကြီးက ကိုယ်တို့ကို ကြည့်ပြီး ပြုံးနေလိမ့်မယ် ချစ်သူက ရင်ခွင်ထဲကိုတိုးဝင်ပြီး ကိုယ့်ရင်ခုန်သံကို နားဆင်နေမယ် လာပါ အချစ်ရယ်... တို့နှစ်ယောက် အိမ်မက်တခုကို အတူတကွ မက်ရအောင်...........
ပြောချင်ရာပြော ရေးချင်ရာရေးဖို့