ငပျင်းလေး

ကိုယ်ချင်းစာတယ်ဆိုတဲ့စကားကို တော်တော်များများပြောဖူးကြမှပါ။ ဘယ်လိုကိုယ်ချင်းစာကြတာလဲ??? တစုံတယောက် ဒုက္ခရောက်နေတဲ့ အချိန်မှာ ပြောဖူးကြမှာပေါ့။ ကိုယ်ချင်းစာပါတယ်ဆိုတဲ့စကားပဲလာတယ်၊ တကယ်ရော စာနာဖူးခဲ့ရဲ့လား။  ပြောရတာတော့ အရမ်းလွယ်တယ်နော်။ကားတိုက်ခံရလို့ခြေထောက် နှစ်ဖက် ဆုံးရှုံးသွားတဲ့လူတယောက်ကို တကယ် ကိုယ်ချင်းစာဖူးလား။ သူ့လိုပဲ ငါလဲခြေထောက်မရှိတော့ရင်လို့ တွေးမိဘူးလား။သူ့လိုပဲ ခြေထောက်တဖက်နဲ့ လမ်းလျှောက်ဖို့ ကြိုးစားကြည့်ဖူးကြလား။ မတော်တဆဖြစ်လို့ ကိုယ်အင်္ဂါအစိတ်အပိုင်းတချို့ ဆုံးရှုံးသွားရတဲ့လူတွေလို ကိုယ့်မှာလဲ ဆုံးရှုံးရရင်ဆိုပြီးတွေးမိကြဖူးလား။ စားစရာသောက်စရာ မရှိတဲ့လူတွေနေရာမှာ ငါလဲ သူတို့လိုငတ်နေရင်ဆိုပြီး ဝင်ပြီးတွေးဘူးလား။ လွယ်လွယ်မပြောကြပါနဲ့အဲဒီကိုယ်ချင်းစာတယ်ဆိုတဲ့စကားကို။  စိတ်ထဲက မပါပဲ အပေါ်ယံ နှုတ်ခမ်းဖျားကနေ ဟန်ဆောင်ပြီး ပြောနေမယ့်အစား ဘာမှမပြောပဲ ထွက်သွားလိုက်စမ်းပါ။ တကယ်သာ ကိုယ်ချင်းစာတယ်ဆိုရင် ပါးစပ်ကပြောနေမယ့်အစား ထိရောက်တဲ့ အကူအညီ တခုခုပေးနိုင်ဖို့ ကြိုးစားပါလား။ ပါးစပ် အပြောလေးနဲ့တော့ ငပျင်းတောင်ကူညီနိုင်သေးတယ် တလောကလုံးက ဒုက္ခရောက်နေတဲ့ လူတွေကို။ အော်.....  ကိုယ်ချ

မစားရတဲ့စပျစ်သီးကိုမှ ချဉ်တယ်လို့မပြောရင် ငါဟာမြေခွေးပီသပါအုံးမလား။ ငါချစ်တဲ့ကောင်မလေးရေ.... တောင်စွယ်မှာနေကွယ်ချိန်ဆိုတာ ငါ့အတွက်တော့ ခုလား...တော်ကြာလား။ ဒီနေ့လား မနက်ဖြန်လား ဆိုတာတောင် မသေချာတော့ဘူးကွယ့်။ အကြိမ်ကြိမ် ပွင့်ခဲ့ဖူးတာတောင်  ရနံ့က ခုထိအဆိပ်သင့်နေတုန်းလေ။  ။

နည်းနည်းတော့ပေပွမယ်၊ သတင်းစာကိုနောက်ကနေလှန် ဟိုလိုလို ဒီလိုလို နှုတ်ဆက်၊ မျှော်မနေနဲ့ မြို့တံခါးမပိတ်ခင် ငွေမလိုဘူးနော်။ သူ့အတွက် ကိုယ့်အိပ်မက်တစ်ဆင်စာ နောက် ဆေးလိပ်အတိုအစ၊ ကဗျာအကျိုးအပဲ့တွေ(တမင်ချိုးထား) ဘာရှိသေးလဲ၊ ဟိုဘက်အိမ်မှာ မြင်နေရတဲ့အတိုင်းပဲ။ ဒါမျိုးဆို ပြုံးပြီး ရှုံးပြီးရင်း ရှုံးပါစေ။ နားမလည်တိုင်းသာ ကျော်ရရင် မင်းဘဝကို ပယ်ဖျက်လိုက်တော့။ လဟာပြင်ထဲက မုန်တိုင်းအကြွင်း  ဘာဆိုင်လို့ ဘဝထဲခုန်ဆင်းလဲ၊ မသိလိုက်သလို မျက်လုံးမှိတ်လိုက် ပြန်ဖွင့်ချိန် အရုဏ်တက်နေဖို့လိုတယ်။ ကိုယ်က လူတွေကို နားမလည်တာလား.... ဟာ.. သူတို့အပြစ်တွေပါ။ အထင်မကြီးနိုင်တဲ့ ထင်ကြေးအတွက် လမ်းဘေးမှာ ဆက်တင်ဆောက်မယ်။ အားလုံးစိတ်ဝင်စားမယ့်ပြကွက်၊ ဦးနှောက်တခြမ်း လမ်းလယ်မှာ (တခြမ်း ဘယ်မှာလဲမသိပါ)  လမ်းဘေးမှာ ရင်ဖွင့်လို့တင်ဆက်နေပါပြီ။ တစ်ဖက်ပဲတီးတဲ့ လက်ခုပ်သံတွေ.. ဘယ်ကလဲ? ဘယ်သူလဲ? ပြန်မေးမယ်.. သနားလို့လား?????? ကဗျာဆရာတဲ့လား၊ သွေးတွေဒီလောက်ရဲနေတာ၊ မာစီဒီးပေါ် ငုတ်တုတ်ထိုင်လို့ ချွေးဒီးဒီးကျနေတဲ့လူ ဒါဟာ ရသပေါင်းစုံပေးနေတာပါ။ အနားက သူတောင်းစားမျက်လုံးတွေ အရောင်လက်တယ်။ ကျေနပ်သလား ကိုယ့်လူ?  ချဉ်ရေဟင်းလိုပဲ၊ လျှာသပ်ပြီးပြော

  ငါ သူ့ကို စာတစ်စောင်ပေးဖူးတယ်   ဘာမှ မရေးထားတဲ့စာရွက်ပေါ်က   စာသားတွေကို သူဖတ်တယ်   ပြုံးတယ် ပြီးတော့ ပြောတယ်   နင်ဟာလေ " အရူး "တဲ့   ပြောမှာပေါ့ ရင်ထဲက   ကမ္ဘာဦးစာကို သူမှ မဖတ်တတ်ပဲ ။   ။                                 မိုးစက်သံလွင်(မန္တလေး)

အောက်ပါအချက်များကိုလိုက်နာခြင်းဖြင့်သင့်ကိုအောင်မြင်သူတယောက်ဖြစ်လာစေမည်။                         စောစောအိပ်ယာထခြင်းမှ ရှောင်ကြဉ်ပါ။ စောစောထသော ငှက် အစာဝသည် ဟူသော စကားရှိသည်။ အကယ်၍ သင်က ငှက်မဟုတ်ပဲ  အင်းဆက်ပိုးမွှားဆိုလျှင် စောစောထခြင်းကြောင့် အစားခံရဖွယ် ရှိသည်။ ထိုကြောင့် စောစောထ ခြင်းကို ရှောင်ကြဉ်ပါ။                   တတ်နိုင်သမျှ တပါးသူကို ခိုင်းပါ။  ကိစ္စ တော်တော်များများ တွင် ကိုယ်တိုင်မလုပ်ပဲ တပါးသူ ဆောင်ရွက်သည်ကို စောင့်ပါ။ ကိစ္စပြီးမြောက်လျှင် သင်က နာမည်ကောင်း ဝင်ယူပါ။ အောင်မြင်မည့်သူ သည် အခွင့်အရေး ကို လက်လွတ်မခံသင့်။       ငါ့စကားနွားရ ပြောပါ။       မှားနေသည့်တိုင် အလျော့မပေးပဲ ငါ့စကား နွားရ ပုံစံဖြင့် ပြောပါ။ထိုသို့ပြောခြင်းဖြင့် တဖက်လူကို ကောင်းစွာ လွှမ်းမိုးနိုင်မည်။         မြက်ပင်ကဲ့သို့နေပါ။     ဆိုလိုသည်မှာ မြက်ပင်သည် လေတိုက်ရာဘက်သို့ယိမ်းသကဲ့သို့ သင်လဲ သာမည့်ဘက်သို့ လိုက်ပါ။ ရှုံးနိုင်မည့်ဘက်တွင် နေခြင်းဖြင့် သင့်အတွက် ရလဒ်ကောင်းများ မရနိုင်ပေ။       ပြစ်တင် ကဲ့ရဲ့ခြင်းများကို ချက်ချင်းတုန့်ပြန်ပါ။       တစုံတယောက် က သင့်ကို ပြစ်တင်ပြောဆိုလာပါက ချက်ချင်းတုန့်ပြန်ခြင်