ဖိတ်စင်ခြင်း

နင်ဟာ ငါ့ညနေထဲ တံခါးမခေါက် နေဝင်သလို ခုန်ဆင်းလာတယ်၊

ဥတုမကောင်းတဲ့ နာရီမှာ သံပတ်ဟာ စိုက်ဝင် 

ဒီအခန်းထဲ ဒီခန်းစည်းထဲ ဒီဆက်သွယ်မူ့ထဲမှာ 

အသံတွေ ညှပ်ကျန်၊

ကြက်ခြေခတ် နေ့တွေများလာတာနဲ့အမျှ 

အမှားတွေ ဖောခြင်းသောခြင်း 

မညီသေးတဲ့ ကြိုးတွေ အခါသုံးပါး လည်ပတ်မူ့ထဲ စိမ့်ဝင် 

တစ်လွဲတစ်ချော် ရောက်လာတဲ့ ဒီဆောင်းအထိ 

မျက်လုံးစုံပိတ်လို့ ဆုတောင်းခဲ့သမျှ 

ငါ့အတွက် ကျိန်စာဖြစ်ခဲ့သလား ။

မျှော်ထားတဲ့ နေဝင်ချိန်မှာ အဆင်သင့်ဖြစ်အောင် 

လျှော်မထားတဲ့ အတ္တအတွက် 

အဲဒီအတွက် 

မင်းအတွက်..... အသင့်မဖြစ်ခဲ့တော့..... 

အသံတိတ် ဒဏ်ရာနဲ့ကူးခတ်ခဲ့တဲ့ ပင်လယ် 

ဆိုက်ကပ်ဖို့ ကမ်းမရှိတော့ အလွမ်းတွေ တစ်ဖျပ်ဖျပ်နဲ့ ညတွေ နက်သထက်နက်ခဲ့တယ် 

A KA