သောက ကင်းစွာနေထိုင်ရေး

အတွေးခေါ်ပညာရှင် ( ဂျွန်အီးဂျစ်မဆန်) ရဲ့ သောကကင်းအောင် ကြိုးစားနည်း ၁၀ ချက်တော့ မဟုတ်ပါဘူး။ ဆရာကြီး (J.N Ngapyinlay)ရဲ့ကျော်ကြားလှတဲ့ သင်ကြားပို့ချချက်တွေဖြစ်ပါတယ်။ အဲသည့် ၁၀ ချက်အားလုံးကို လိုက်နာနိုင်လျှင် သောကများ ကင်းဝေးစေမည့်အပြင် သင့်စိတ်ဓါတ်ကို မိုးထိအောင် မြှင့်တင်ပေးမှာဖြစ်ပါတယ် . . . . ဆယ်ချက် စလုံး မလိုက်နာနိုင်ရင်တောင်မှ ငါးချက်လောက် လိုက်နာနိုင်ရင်လည်း သောက ကင်းနိုင်ပါတယ်. . . နည်းနည်း လိုက်နာနိုင်လျှင် သောက နည်းနည်းကင်းပါတယ်. . . အပြည့်အစုံလိုက်နာနိုင်ရင်တော့ သောကဆိုတာ ဘယ်လိုလေးလဲဗျာ လို့တောင် မေးမြန်းစုံစမ်းရလိမ့်မယ် ထင်ပါတယ်. . . .

သောကကင်းအောင် ကြိုးစားနည်း ၁၀ ချက်တွေကတော့

၁။ ပေါ်ပေါက်လာတဲ့ ပြသနာတွေကို အခက်အခဲလို့ သတ်မှတ်ပါ။ပြသနာက သင့်အတွက်အခွင့်ကောင်း မဟုတ်ပါ။

၂။ အလုပ်တစ်ခုကို သင်အတတ်နိုင်ဆုံး ဆောင်ရွက်ပြီးတဲ့အခါ ဘယ်လိုတွေ၊ ဘယ်ပုံတွေ ဖြစ်လာမယ်ဆိုတာ ကို မတွေးပါနဲ့. . အဲသည်အလုပ်ကို မေ့ပြီး အလုပ်အသစ်ကို ဆက်လုပ်ပါ။မပီးနိုင်ရင်လဲ မေ့ပစ်ပါ။

၃။ အလုပ်တစ်ခုခုကို လုပ်နေပါ။ သင့်ရဲ့ တစ်နေ့တွက် (၂၄) နာရီ ကို အချက်သုံးချက်နဲ့ ကုန်ပါစေ။

(၁) အစာ စား

(၂) အနားယူ၊

(၃) အိပ်။

(အကျိုးမရှိသော အတွေးအခေါ်များ၊ စကား၊ အလုပ်များနှင့် အချိန်မဖြုန်းပါနှင့်)

၄။ သင်မလုပ်နိုင်သော အလုပ်အတွက်ကြောင့် ကြောင့်ကျမှု မရှိပါစေနှင့်. . . (မလုပ်နိုင်တာကိုတွေးလျှင် သောကကြီးသည်၊ လုပ်နိုင်တာကို လုပ်ပါ. . သို့မဟုတ်ပါက စိတ်ချောက်ချားမှုဖြစ်စေပါတယ်)

၅။ လေထဲတွင် တိုက်အိမ်မဆောက်ပါနှင့်။ ကုန်တိုက် သို့မဟုတ် ဟော်တယ်ဆောက်နိုင်လျှင် ပိုကောင်းသည်။

၆။ အချိန်တွေကို ဟိုရွှေ့သည်ရွှေ့မလုပ်ပါနှင့်။ ရွှေ့ရင်းကျပျောက်သွားနိုင်သည်။ ပြုတ်ကျလျှင်လဲ ကွဲသွားနိုင်သည်။

၇။ သင့်ဝမ်းနည်းခြင်းတွေ၊ သင့် စိုးရိမ်ကြောင့်ကြမှုတွေကို အခြားသူများအား ပြောပြပါ။ နားမထောင်လျှင် အတင်းဆွဲခေါ်ပြောပါ။

၈။ မနက်အိပ်ရာက နိုးနိုးခြင်း ထလိုက်ပါ. . . အိပ်ရာထဲ လဲလျောင်းနေခြင်းက တစ်နေ့တာ အလုပ်လုပ်ရန် အတွက် သင့်စိတ်အင်အားကို ကြိုတင်ဖြုန်းတီးရာ ရောက်ပါတယ်. .( ဘယ်အချိန် နိုးမလဲဆိုတာ သင့်အပေါ်မူတည်ပါတယ် )

၉။ ဘယ်အလုပ်ကို မဆို အလျင်စလိုလုပ်ပါ။ ကြိုတင်စီမံပြီးမှသာ လုပ်လျှင် အချိန်ကြာ၍ စိုးရိမ်ကြောင့်ကြမှုကို ဖြစ်စေနိုင်ပါတယ်. . . ကိုယ့်ကိုယ်ကို သံသယရှိလာပြီး ယုံကြည်မှုများ ပျက်စီးစေပါတယ်။ အလျင်စလို လုပ်ခြင်းဖြင့် အလုပ်မြန်မြန်ပြီးစေသည်။

၁၀။ သင်ရင်ဆိုင်နေရတဲ့ပြသနာက ကြီးနေလား . . ကြီးနေရင် သင့်စိတ်ပိုင်းမှာ တစ်ကန့်စီ၊ တစ်ပိုင်းစီ ဖြေရှင်း ရန် အားထုတ်ပါ. . . တစ်ကန့်စီ ဖြေရှင်းယူမှ ပြသနာ ထုထည် တစ်ရပ်လုံး အမြန်ပြီးစီးမှာ ဖြစ်ပါတယ်။ အကယ်၍ မပြီးစီးနိုင်လျှင် အပိုင်းစီ ဖြစ်နေသောကြောင့် လွှင့်ပစ်ရန် လွယ်ကူပေသည်။

ဤနည်းလမ်းများကို လက်တွေ့အကောင်အထည်ဖေါ် ဆောင်ရွက်ကြည့်ပါ။ အမှန်တကယ် သောကကင်းဝေးစွာ သင်နေထိုင်နိုင်ပါလိမ့်မည်။  သင့်မှာ သောကများကျန်ရှိနေသေးတယ်ဆိုရင်တော့ သင်ဟာ အထက်ပါနည်းလမ်းများကို ကောင်းစွာ သဘောမပေါက်၍သော်လည်းကောင်း မလိုက်နာ၍သော်လည်းကောင်း ဖြစ်ပေမည်။ သင်သာ သောကကြီးစွာရောက်နေသူ စိတ်ဓါတ် မြေသို့ ဘုံးဘုံးကျနေသူဖြစ်ပါက ဆရာကြီး J.N Ngapyinlay ၏ မိုးမျှော်စိတ်ဓါတ် မဟာအခေါင်မိုးပေါ်လူသား သင်တန်းကြီးသို့ တတ်ရောက်သင့်ပါကြောင်း ( အဆိုပါ သင်တန်းအကြောင်းကို အလျင်းသင့်သလို ဖေါ်ပြသွားပါမည် ) ငပျင်းလေးက ကြားဝင် အကြံကောင်းပေးလိုက်ရပါသည်။

မှတ်ချက် ။   ။ fwordmail တခုမှ ဖတ်ရသမျှကိုမှီး၍ ဆရာကြီး J.N Ngapyinlay ၏ ခွင့်ပြုချက်ဖြင့် ဖေါ်ပြပါသည်။