ပိန်ချင်သူများအတွက် လမ်းပြ

ငပျင်းတယောက် ပိန်ချင်နေသည်။တနေ့တခြား တိုးတက်လာသော ကိုယ်လုံးကို ကြည့်ရင်း ၀ိတ်ချဖို့တွေးမိသည်။ ၀ိတ်မချလို့လဲ မဖြစ်၊ တနေ့ ရွှေပြည်တော် ကိုပြန်သည့်အခါ စည်ပိုင်းနှစ်လုံးစာမျှရှိသော သူ့ကိုမြင်လျှင် တစ်ဦးတည်းသော ချစ်သူလေး လန့်ပြေးသွားနိုင်သည်မဟုတ်လား။ ခုတောင် အရင် သုံးနှစ်လောက်က ရိုက်ထားတဲ့ပုံတွေပြပြီး နှစ်သိမ့်ထားရသည်။ ဒီတော့ ၀ိတ်ချဖို့ အစီအစဉ်တွေ ဆွဲရသည်၊ ပထမဆုံး အစားလျော့စားဖို့တွေးမိသည်။ တနေ့ထမင်း သုံးနပ်စားနေရာမှ နေလည်စာတနပ်ပဲစားကြည့်သည်၊ မဆိုး၊ ချွေတာရာလဲရောက်သည်ဟု ငပျင်းတွေးမိသည်။ သို့သော်.............. သို့သော်.......... ညနေရောက်တော့ ဗိုက်ကမနေ သံချောင်းခေါက်လာပြီ၊ " စားပါ.. စားပါ " ဆိုပြီး အချက်ပြချေပြီ၊ ထမင်းမစားဘူးလို့ပဲ ဆုံးဖြတ်ထားတာ တခြားတခုခုတော့ စားလို့ရပါတယ်ဟု ဦးနှောက်က အကြံပေးသည်။ ဒီလိုနဲ့ ဦးနှောက်ကို  ဗိုက်က ထိန်းချုပ်ပြီး သကာလ ငပျင်းတယောက် စားစရာ ကို အသည်းအသန် ရှာရတော့သည်။ အနားရှိ ဆိုင်တဆိုင် သို့ပြေးကာ ဟမ်ဘာဂါ တလုံးအမြန် မှာလိုက်၏။ စောင့်နေရင်းက ဟမ်ဘာဂါကို သေးသလိုထင်တာကြောင့် နောက်တလုံးထပ်မှာလိုက်သည်။ ဟမ်ဘာဂါ နှစ်လုံးကို coke တဘူးနဲ့ အမြန်မျောချလိုက်မှ  ဗိုက်က သံချောင်းခေါက်သံ ပျောက်ကာငြိမ်တော့သည်။  ဤကဲ့သို့ တပတ်ခန့် ၀ိတ်ချပြီးချိန်တွင် ယုံကြည်ချက် အပြည့်နှင့် ငပျင်းပေါင်ချိန်ကြည့် တော့ ပေါင်ချိန်စက် က အပေါင်း နဲ့ အနှုတ် ပြောင်းပြန်ပြနေသည်ဟု ငပျင်း ဇဝေဇ၀ါ တွေးမိသည်။့ ပိန်တော့ပိန်လာသည် ငပျင်းတော့ မဟုတ်၊ ငပျင်း၏ပိုက်ဆံအိတ်သာ ပိန်လာသည်။ မဟုတ်သေးဘူး၊ ဒီလို အစားလျော့စားလို့ ၀ိတ်မကျရင် အိပ်တာကို လျော့မယ်ဟု ငပျင်း တွေးပြန်သည်။ အိပ်တာကိုလျော့ လေ့ကျင့်ခန်း လုပ်ရင်တော့ မဆိုးလောက်ဘူးဟု သူငယ်ချင်းများကလဲ ပြောကြသည်။ ကဲ....  နောက်ကျမှ အိပ်၊ မနက်စောစောထ လေ့ကျင့်ခန်းလုပ်မယ်ဟု အတွေးထဲမှာ ငပျင်းတယောက် တက်ကြွနေသည်၊ ညနက်အောင်နေသည၊် တီဗွီကြည့် ဂိမ်းဆော့ နဲ့ ညနက်အေင်နေတော့ ဗိုက်က နဲနဲတော့ ဆာသလိုလို... ကြက်ဥ သုံးလုံးလောက် margarine နဲ့ကြော်ပြီးစားလိုက်တော့မှ ဗိုက်လေးပြီး အိပ်ပျော်သွားသည်။ မနက် အိပ်ယာနိုးလို့ နာရီကြည့်တော့ ဆယ့်တစ်နာရီခွဲတဲ့၊ ခဏလေးပဲ အိပ်ရသေးတယ်၊ နာရီ မှားကြည့်တာနေမှာပါလို့တွေးရင်း စောင်လေးခြုံကာ ငပျင်းပြန်ကွေးနေလိုက်သည်။လေ့ကျင့်ခန်း အနေဖြင့် အိပ်ယာထဲမှာ ဘယ်ညာနှစ်ခေါက် လူးလှိမ့်ပြီးပြန်အိပ်လိုက်သည်။ ဤသို့ ဤသို့ငပျင်းတယာက် လေ့ကျင့်ခန်းလုပ်ရင်း ၀ိတ်ချနေလေသည်။
ဆက်ပါဦးမည်..........